Berdelaedjes

[lucyin]

Mu walon di Solwåster

Lu timps court rade èvôye ; portant, dj’ a co sov’nance
Du qwand dj’ èsteûs tot djône èt quu dj’ tchoûléve è m’ banse ;
Mu mére, po m’ apåhter, mu djåséve è walon.
Èt qwand dj‘ sèreûs même oûy å diâle èt co pus lon,
Dè walon d‘ Solwåster, à l’ boke dj’ åreûs co l’ gosse,
Pacequu ci walon-là, èdon mére, c’ èsteût l’ vosse.

Pére, qwand dju r’ tûse à vos, dju r’veû vosse bon visèdje,
Èt so l’ côp, dju v’s arêne è patwès d’ nosse viyèdje ;
Èt qwand dju d’vreûs viker cint-z-ans, èt co pus vî,
Lu walon d’ Solwåster, dju n’ èl såreûs roûvî,
Pacequu ci walon-là, èdon pére, c’ èsteût l’ vosse.

Pus tård, adlé vos deûs, dju dirè : « C’ èsteût l’ nosse ».
_________________
Li ci ki n' a k' on toû n' vike k' on djoû.