Berdelaedjes

[Scribus electronicus]

Sorlon l' acostumance, on note sortot e l' AFE les sons k' ont-st ene valeur fonolodjike. Dj' ô bén ki permetèt di fé l' diferince inte deus mots rishonnants (ou pwaires minimoms).

MINS end a sacwants ki sins aveur ene valeur fonolodjike, ont tolminme ene valeur fonetike impôrtante.

Normåldimint, po n' nén s' fé nåjhi et po schouwer d' aconter des variantes foirt coinreces, on-z est afaiti di nén lzès noter.

Metans, li di- ou les ti- lidjwès ki dvrént-st esse prononcîs [dj] et [tj] si prononcèt sovint [ɟ] ou [c] come divins "sˈètièstèt" (s‿ɛ.cɛs.ˈtɛ) (3:54) "dièrin" (4:05) (ɟɛ.ˈʀɛ̃) come vos l' poloz schoûter cial : https://lucyin.walon.org/tchanson/odio/Simon_moirt_%C3%A5be.ogg

Gn a tolminme ene foû-rûle ki dj' aplike cwand dji scrî mes årtikes, c' est do noter les longuès nazåles reclôses divins on mot.

C' est ene piceure fonetike k' on rtrouve a pô près totavå e Walonreye et e français d' Beldjike, et minme, a on moende livea, e francès d' France.

Insi, vos poloz schoûter blanche [blɑ̃ːʃ], ponte [pɔ̃ːt], peinte [pɛ̃ːt] so Google Translate https://translate.google.com/?hl=fr&sl=fr&tl=en&text=blanche%0Aponte%0Apeinte%0A&op=translate
mins blancheur [blɑ̃.ˈʃœʁ] pondeuse [pɔ̃.døz] peinture [pɛ̃.ˈtyʁ] https://translate.google.com/?hl=fr&sl=fr&tl=en&text=blancheur%0Apondeuse%0Apeinture%0A&op=translate

Insi vos poloz lére divins des scrijhaedje divant-Feller des ortografeyes ki mostrèt aiwdirotchmint ki ces voyales, sortot divant une consone nazåle, sont longues.
Loukîz metans des scrijhas come 
pône [pɔ̃ːn]
fontaînn [fɔ̃ː.ˈtɛ̃ːn]
trânnè [tʀɑ̃ː.ˈnɛ]

Si vos loukîz les eredjetrumints då wiccionaire, vos l' poloz ôre sins rujhe : https://wa.wiktionary.org/wiki/dischindehttps://upload.wikimedia.org/wikipedia/commons/f/f7/Wa-fonnet.ogghttps://upload.wikimedia.org/wikipedia/commons/9/94/Wa_damabonde.ogahttps://upload.wikimedia.org/wikipedia/commons/4/4c/Wa_Bodindje.ogg

Po rivni a çou k' a bouté pus hôt,

[Scribus electronicus]

Sins conter ki dvins sacwantès coines diviè Vervî, i prononcèt co li n des nazåles come divins l' tins et parey k' al nonnE del Fran'sE, sins ralongui l' voyale.

Insi one djin si prononce [ɔn ʤɛ̃n], djin [ʤɛ̃n] si prononçant ôtmint ki djinne [djɛ̃ːn]
_________________
Araedjî waloneu prete a rvindjî si mancî lingaedje

[lucyin]

Dji n' î av måy tuzé. Mins oyi, ça s' pout fé. Mins totes les naziåles serént don longues ?

Roland Neuprez, k' est did dilé Francortchamp, sicrît li naziåle "in" si elle est al fén do mot et do boket d' fråze, avou ing (li g pus bas) https://wa.wikisource.org/wiki/Lu_tching

Por mi, e fonetike, dj' el sicrireu /t͡ʃɛ̃ŋ/. Dji va sayî d' l' eredjistrer ås scoles di Bive d' ivier. C' est l' veur ki ça n' sait esse k' on court /ɛ̃/

Adon, li pus lådje oyowe, "tchin" si scrireut /t͡ʃɛ̃ː/

Dj' el mete sol Wiccionaire. (dins prononçaedjes, et dins ortografeye a "tschain"

Por mi, i serè court å mitan des mots, come impossibe /ɛ̃.pɔ.ˈsiːp/ /ɛ̃.pɔ.ˈsip/

(dj' åreu ptchî li coûte voyale come prononçaedje neute)

Dj' ô on prononçaedje long si on bouxhe sol clå [insister]. Mins adon, l' accint tonike est sol prumî pî: /ˈɛ̃ː.pɔ.sip/
_________________
Li ci ki n' a k' on toû n' vike k' on djoû.