Berdelaedjes

[Scribus electronicus]

Dji lé k' oufi vénreut di l' aplacaedje del disfondowe "ouf" di "ouxh" et do prono tonike "ti".

Dji n' voe nou sourdant k' poye aspoyî ciste idêye. Pol rawete, li loyén shonne foirt drole.

Å vraiy, on n' voet måy ci mot la dvins les motîs di dvant l' deujhinme mitan do vintinme sieke.

A m' shonnance, i s' adjixh purade d' èn aplacaedje do francès d' walonreye avou l' mot-brut francès "ouf" et l' prono tonike walon "ti".
_________________
Araedjî waloneu prete a rvindjî si mancî lingaedje

[Pablo Saratxaga]

Li "ouxh" dins "ouxh ti" c' est nén l' mot ki vout dire "poite", mins on mot brut.

I gn a sacwants mots do costé d' Lidje ki l' fén est [x] ou [f] (metans, fraijhe, mezåjhe, si prononcèt "fréf", "mèzôf" a Lidje);

Pol mot brut d' sorprijhe, mi-minme dji dit "ouf" avou on longou f ki soune diferin do "f" normå, ki ride eviè on "h" (dj' ô bén, l' son n' est nén fwait fok avou les lepes, mins l' gozî avou)