Berdelaedjes

[Scribus electronicus]

Dji wadje a 99% ki s' adjixh d' ene fåsse etimolodjeye.

1°) VOYALE
On divreut ratinde ene voyale ou. Li viebe houri, l' addjectif houreus sont bén cnoxhou so Lidje.

2°) CAWETE
Si horé/houré vineut di houri, on divreut avu ene cawete -i, mins måy -é.

3°) KIMAXHAEDJE ETIMOLODJEYES
Come dji l' aveu mostré dvins èn ôte suddjet, https://berdelaedje.walon.org/viewtopic.php?t=3098&highlight=xhore

chor, n. m. Écore, sorte de grosse perche ferrée qui se place à l'avant
d'un bateau et sert à lui donner la direction voulue.

chorè, v. int. Manœuvrer un chor. Comme celui-ci est fort lourd,
aussitôt que le marinier l'a fait basculer sur le bord du bateau,
l'extrémité ferrée, dirigée un peu en avant, s'enfonce dans le lit du fleuve, tandis que l'autre est solidement attachée par un
cordage à un poteau fixé sur le bateau, dont la proue est ainsi poussée du côté opposé au chor; il se produit alors un bruit
sourd qui s'entend d'assez loin.

HORER (miner on batea), HORER (fé on trô, ene corote) et HOURI sont troes bodjes diferins.

Avou l' etimolodjeye schoor di hore (écore) et l' pindant francès, i m' a shonné d' atåvlé l' betchfessî SCH po des kesses etimolodjikes et po n' pus les cmaxhî.

4°) HAUST
Li motî Haust esplike li ridaedje do sinse do mot.

Li ratourneure "si xhorer foû" d' ene sawice a tot fwait d' acsegnî "si saetchî foû des strins. Çoula fwait ki "xhoré" a pris l' sinse do "schapé", edon.
_________________
Araedjî waloneu prete a rvindjî si mancî lingaedje