Berdelaedjes

[lucyin]

I n’ nos plaît nin !

sicrît tins del guere di 14-18, tot shuvant des idêyes d' on powinme e francès da François Bovesse

Refrain
Quand on saye di lî fwarci l’ muwin
Li Namurwès rèspond rademint
« I n’ mi plaît nin !
Dè rovî l’Guêre èt lès prussyins
Ou r’noyî l’ Walon po l’ Flamind !
I n’ nos plaît nin ! »

I.

Quand l’Namurwès èst cor èfant
I sét d’dja tinre tièsse aus pus grands.
Si vos v’loz qu’i purdjîye
Èt qu’i ‘nn’ a nin l’invîye
Vos v’s-aracherîz l’gosî
Sins polu l’ fer bronchî
S’il arive qui pa l’ fwace
I faut bin qu’il î passe,
I grûlerè en grignant dès dints
« Djè l’ pudrè maîs dji n’ tch … ôquerè nin ».

II.
À l’âdje do travay eûchîz sogne
Qu’i tchwèsiche li-min.me si bèsogne
Si vos l’ v’loz contrarier
Vos n’ sauroz rin-z-è fer
I passerè lès bèrdouches
Sins seûremint douviè s’ bouche
Quand ça sèrè fini,
I sondjerè, contint d’ li :
«Qu’on mulèt, quand i faît à s’ tièsse,
Ni s’ sint d’dja pus qu’à mitan bièsse !»

III.

Ç’ n’èst nin qui s’ caractère èst mwaîs
Maîs il in.me bin d’ fer ç’qui lî plaît.
Quand i sèrè piyote
I tirerè bin s’ carote
Tot en d’mèrant d’acôrd
Avou l’ sèrdjent majôr.
Portant s’on nos manecîye
V’s-ètindroz qu’i lzeû crîye
« Bwêrlez tant qu’ vos v’loz : Glôriâ !
Mais la Belgique vous ne l’aurez pas ! »
_________________
Li ci ki n' a k' on toû n' vike k' on djoû.