Berdelaedjes

[Scribus electronicus]

Tot fjhant des rcweraedjes sol DTW, dj' a-st aporcû k' i gn aveut pår deus disfondowes d' addjectifs avou ene omrinne cogne e -å (sins l finå).

LIBERÅ / LIBERÅLE
{{Orto
liberå [R13]; lîbèrå [E1]; lîbèrål [E1]; libèrau [O4]
}}

ROYÅ / ROYÅLE

royå [E1,E170]; rwèyâl [C8]; rwèyål [E1,E170]; royal (rwayal) [E34]

L' aroke, c' est k' i sont leus deus rwaitîs come des vîs mots dvins l' E1, et ki royå n' egzistêye minme ki dvins ene ratourneure ...

Dji n' comprind nén pocwè k' on-z a erîlé -å / -åle totavå et nén -ål /åle.

Sereut ç' motoit bén cåze di mots come tchivå, må et tchic et tchac ?
_________________
Araedjî waloneu prete a rvindjî si mancî lingaedje

[Pablo Saratxaga]

C' est l' veur ki c' est onk des ponts wice ki l' rifondou est assez lon erî do prononçaedje.

Si on vout k' ça soeye on scrijhaedje do lingaedje come il est, adon ça dvreut esse -ål/-åle

Mins i shonne bén ki l' viye cawete esteut bén -å/-åle;
on l' ritrouve todi asteure dins des mots come tch(i)vå, må/måle (mwais), åmå (li femirn a ridé *åmåle -> åmaye), vå (valêye), årmå, tchenå, på, bocå, marixhå, corå, djivå, djournå, så, f(e)nå, ospitå

C' est l' veur ki houte di må et fenå, c' est tos des sustantifs.
(et sacwants di zels ont des disfondowes avou -âl/-al; les cognes avou -å/-â/-au/-ô dimorant les pus lådjes oyowes)

Mins on trouve dins des vîs motîs des ôtes addjectifs avou -å :
* royå
* liberå

ey eto dins Haust:
* metå (sustantif; metou come "arch." dins Haust, as costé di "mètål")

Ça fwait k' l' atuze di forcoridjaedje a des årgumints eto.

Dji n' såreut dire li kéne des tchuzes est l' meyeuse.

[Pablo Saratxaga]