Berdelaedjes

[lucyin]

Sol dimande da Laurence Simon k' a cmincî a tni scole di walon a Såcere / Casbour po les "powezeyes et retos",
https://berdelaedje.walon.org/viewtopic.php?t=3219
dji m' va responde a ses kesses (et ås cenes des pårticipants) so l' ortografeye do walon dins l' sistinme Feller (adon, po on côp, nén li rfondou, et c' est nén mi ki cåze li prumî).

Wice ? 
Institut Saint-Joseph, Carlsbourg, dimandez a Laurence a ké såle (gn a èn ouxhlî [portier, concierge] qui serè dandjreus al grande poite); si vos n' trovoz nén, houkîz Laurence å 0476 563 684 u mi-minme å 0497 677 909 (mi axhlåve serè raloumé do 18 å 25 di fevrî).

Cwand ?
Li mårdi 24 di fevrî, a 2 eures di l' après-nonne (minme aeura ki les scoles di Bive).

Po kî ? 
Po les cenes et les cis ki n' savèt nén co scrire, mins ki savèt bén cåzer, et ki vôrént aprinde, tot notant leu prôpe accint e scrijhant. Les cis ki savèt ddja scrire e Feller sont-st ossu les bénvnous, po vey les rîles [règles] ki, zels, il eployèt ddja.


Dji sayrans d' adjinçner l' après-nonne insi:

1. questions sur les principes du Feller; 

2 questions sur les variantes du Feller; 

2b (éventuellement, sur demande) questions sur les orthographes non Feller, comme celles du "motî d' Arniye"
https://wa.wikipedia.org/wiki/Patou%C3%A8_des_vies_djins_d%27Harnies

3. les points dialectaux qui nous concernent spécialement (en fonction des participants, mais déjà sûrement Hargnies et Carlsbourg / Naomé), avec consultation des Atlas Linguistiques de Wallonie en ligne.

4. questions particulières d' orthographe des mots (son K, E muets, apostrophes...); 

5. points de grammaire (accords des verbes, adjectifs...).

Gn årè do cafè, del gote di purnale, et des biscûtes do Marok (minme si sacwants seront e cwareme). Amoennez des wåfes.

A bénrade ?
_________________
Li ci ki n' a k' on toû n' vike k' on djoû.

[lucyin]

[lucyin]

Comme dit précédemment, nous organisons avec Laurence SImon, enseignante de wallon à l'Institut St Joseph à Carlsbourg une séance de questions-réponses sur l'orthographe Feller.

Pour qui ?Ceux qui connaissent déjà une variété de wallon et qui voudraient l'écrire dans une des variantes courantes du système Feller. Ceux qui emploient déjà un système orthographique donné sont aussi les bienvenus (ils nous expliqueront leurs options).

Où ?
Institut St Joseph Carlsbourg, porte d'entrée. Le concierge sera là. En cas où, vous pouvez appeler Laurence au 0476 563 684 ou moi-même au 0497 677 909.

Quand: 
Li mardi 24 février, à 14 h (jusqu'à épuisement des questions).

Ordre des questions:

1. questions sur les principes du Feller;  
https://wa.wikipedia.org/wiki/Sistinme_Feller

2 questions sur les variantes du Feller; 

2b (éventuellement, sur demande) questions sur les orthographes non Feller, comme celles du "motî d' Arniye"

https://wa.wikipedia.org/wiki/Patou%C3%A8_des_vies_djins_d%27Harnies

3. les points dialectaux qui nous concernent spécialement (en fonction des participants, mais déjà sûrement Hargnies Ar 2, et Carlsbourg / Naomé D132, Patignies / Gedinne D120), avec consultation des Atlas Linguistiques de Wallonie en ligne. 

https://alw.uliege.be/alw/

4. questions particulières d' orthographe des mots (son K, E muets, apostrophes, usage de l'accent circonflexe, du tréma); 

5. points de grammaire (accords des verbes, adjectifs, conditionnel, subjonctif). 

https://croejhete.walon.org/


A bénrade ?
_________________
Li ci ki n' a k' on toû n' vike k' on djoû.

[lucyin]

Estént la:
* Laurence Simon, k' aveut adjinçné l' radjoû.
* Roland Neuprez, scolî des scoles di Bive
* André Vincent, scolî des scoles di Bive
* Mi, dit-st i l' fô
* Souzane Mahin, ki m' aspaléve pol håynaedje des mapes ALW et sacwants esplikêyes å tåvlea.

Årént bén vlou esse la, mins n' ont sepou vni:
* Thérèse Colaud
* Robert Dion
* Virginie Gryspeert
* Gaston Wilvers

Disrôlmint del prumire rîlêye di 6 luçons da Laurence
(luçons d' 1 eure et dmey)
* Laurence a sayî di cåzer tofer walon. Mins elle a des rujhes po les fråzes avou des condicioneus et des suddjonctifs.
* Dins les scolîs (5inme et 6inme sigondaires), gn aveut bråmint des "Syviculture / Horticulture". Il ont yeu bon do schoûter do walon, mins i n' l' ont nén oizou cåzer.
* On djoû, Lorince a fwait vnou èn ome di Djedene k' a raconté des paskeyes do vî tins et des couyonådes. Mins gn a pont yeu d' etercåzaedje [interaction] inte lu et les scolîs (estént i djinnés ?)
* Come soûmint [base] po les cours d' après, Lorince a fwait on ptit sillabusse, sicrît avou ene ortografeye «espontanêye» (puvite sistinme «patwès» come les «patwezants» d' France). Dji l' a rmetou e Feller, rashiou so l' accint d' Arniye (Ar 2) et Vierziye (dilé l' Grande Boursegne, D110).
* Les eleves årént bén volou porshure après les condjîs d' cwarmea [carnaval], mins l' prof inme mî di rprinde les minmès lçons avou ene ôte trope di scolîs.

Disrôlmint di l' après-nonne
Li såme [but, objectif] di l' après-nonne, c' esteut:
* di vey si l' manire di riscrire li sillabusse dujheut [convenait] al prof.
* d' el fé discovri des ôtes pårticipants.
* di responde ås kesses da Lorince so l' ortografeye Feller (k' elle ni cnoxhe gote).
* di decider sacwants relijhas [choix, options] ortografikes a shuve erilêymint [régulièrement] dins l' sillabusse (et les cis d' après, s' il astchait).

Ponts do sistinme Feller resplikés.
* li sistinme Feller est fwait po les cis ki vlèt scrire walon come i l' cåzèt. Il est dit «phonético-analogique». On saye di bén noter les sons di tchaeke accint do walon, mins on wåde eto des letes del croejhete [grammaire] francesse. Roland resplike ki Feller aveut peu di sbarer les djins adûts [habitués] a lére li francès.
Fråze dimandêye : «je n'en peux plus» => dju n' a pu pus (rifondou: dji n' è pou pus).

* li scrijhaedje do son "dj" et "tch" ni shonne nén esse trop målåjhey po Lorince.

* gn a ene rujhe po scrire li son /œ/ (francès un bœuf, le cheval). Po cmincî, dj' aveu atåvlé li scrijha do «Feller-Soverdeas» (Roman Payis [Brabant wallon]) "ë". Mins come gn a waire di ç' son la dins l' accint del sicoleuse (bråmint moens k' a Bietris-Bouyon, la k' tos les U divnèt /œ/), dj' avans decidé di wårder li mwaisse sicrijha Feller «eu». MINS adon, pol son «øː» i fåt mete on tchapea. => vinoz cauzer aveu mi / l’aiwe k’elle cût ses yeus (rif: les oûs) <> les tchesseûs

* Pol son K, dj' avans decidé di shure li Feller-Francard. Souzane a respliké li rîle unike å tåvlea. Todi «K» såf divant O,A, U u ene cossoune u dmey cossoune, la k' c' est «C» =>
cafougnî / coridjî / cumincî / bracnî / ribancter <> yink (onk) / keude / ene keuche (rif. coxhe) / kiter

* Pol son "yod", on scrît todi «Y», såf dirî ene cossoune et dvant A,U,O,E, la k' c' est djusse «I»: l’aiwe k’elle cût ses yeus (rif: les oûs) / rouviyî / gayole / les fîyes <> precôcion, / boskion

* Pol son Z, on scrît toltins «z» (cauzer).

* Po les longs O, on shût li rîle ki dispårtit li betchfessî "å" do betchfessî "ô" e rfondou:
- cwand gn a on «au» / «al» e francès, on wåde «au» 9 côps so 10 e walon (Feller-Léonard). in tch'fau, dj'é mau mes pîs, in marchau
- cwand gn a nén «au» e francès, c' est sovint ô: un peu => on pô; un coup => in côp

* Po l' imparfwait singulî, c' est l' cawete -eu : dju tchanteu; adon, pol condicioneu, c' est -reu: i faureut

* Pol 2inme djin do pluriyal, indicatif prezintrece, on wåde -oz, come Lorince dit, minme si a Arniye, c' est -ouz, come Vincent l' dit. -oz est bråmint pus lådje oyou.
https://alw.uliege.be/alw/?alw_volume=2&alw_page=264
=> vinoz cauzer aveu mi

* Li cawte -ouz, c' est motoit on forcoridjaedje di l' oyon O/OU
https://wa.wikipedia.org/wiki/Oyon_o/ou
... ki c' est todi li cogne -ou- dins tote l' Årdene nonnrece (tout, pou, vous <> rifondou : tot, po, vos).
https://alw.uliege.be/alw/?alw_volume=1&alw_page=122

* Pol deujhinme djin do pluriyal, imparfwait, Lorince ni "sint" nén li cawete -îz (vous tchantîz). Come d' efet, li mape ALW "vous veniez"
https://alw.uliege.be/alw/?alw_volume=2&alw_page=306
mostere ki Arniye et Boursegne ont ene cawete -ez (omofone di l' indicatif prezintrece)
Arseu, vous tchantez faus [rif. ersè, vos tchantîz fås).

* Adon, li suddjonctif (erirece = imparfwait) si fwait avou ene cawete -é + -ye (li cawete -ye est bén acertinêye pa André).
Fråze : i faureut k' vous sayéye du cauzer walon (rifondou: i fåreut k' vos sayîxhe di cåzer walon).

* Pol 3inme djin do pluriyal di l' indicatif prezintrece, c' est -at: A Vierziye, cand i l' dijat, i l' fijat (rifondou: ...cwand i l' dijhèt, i l' fijhèt).
https://alw.uliege.be/alw/?alw_volume=2&alw_page=282

* Pol prumire djin do pluriyal indicatif prezintrece, li cawete a Vierziye et Djedene, c' est -ons come e francès et dins l' Coûtchant walon (ALW). A Arniye ossu, daprès André (l' ALW dene "-ans".
https://alw.uliege.be/alw/?alw_volume=2&alw_page=260

Mins, po les viebes ordinaires, dj' atåvele di prinde li cawete "pus walone" -ans.

Pol viebe "awè", on wåde ossu ene cogne tipike avou -ons: dj' ons = dj' avans [nous avons].

Shuvance :
* Motoit bén ki dji vénrè djåzer avou les scolîs li samwinne après Påke.
* Dji dmandrè a Lorince po vey si dj' pou eplaidî si sillabusse so l' Aberteke.
_________________
Li ci ki n' a k' on toû n' vike k' on djoû.

[Pablo Saratxaga]

[lucyin]